საიტზე მიმდინარეობს ტექნიკური სამუშაოები

თანამშრომლობის ძირითადი სფეროები

საქართველოსა და სლოვაკეთს შორის თანამშრომლობა დინამიურად ვითარდება როგორც ორმხრივ ფორმატში, ასევე, საერთაშორისო ორგანიზაციების ფარგლებში.  სლოვაკეთის მთავრობა მტკიცედ უჭერს მხარს საქართველოს საგარეო პოლიტიკის პრიო­რი­ტე­ტებს და ეხმარება საგარეო პოლიტიკური მიზნების მიღწევაში. ამასთან, ხელს უწყობს ქვეყანაში დემოკრატიული ინსტიტუტების გაძლიერებას, მათ შორის, გამოცდილების გაზიარების გზით.

სლოვაკეთის რესპუბლიკა მტკიცედ უჭერს მხარს საქართველოს სუვერენიტეტს და ტერიტორიულ მთლიანობას და არაღიარების პოლიტიკას, რაც არერთხელ გამოუხატავს როგორც ორმხრივ ისე მრავალმხრივ ფორმატებში გაკეთებულ განცხადებებში.

სლოვაკეთი მხარს უჭერს საქართველოს ევროპულ და ევროატლანტიკურ სტრუქტურებში ინტეგრაციას და დადებითად აფასებს ამ მიმართულებით ქართული მხარის გაწეულ ძალისხმევას და მიღწეულ პროგრესს.

საქართველოსა და სლოვაკეთს შორის არსებული სამართლებრივი ბაზა მოიცავს ხუთ ხელშეკრულებას, ასევე, უწყებათაშორის შეთანხმებებს, რომელთა მეშვეობით რეგულირდება თანამშრომლობის სხვადასხვა სფეროები და საკითხები.

საერთაშორისო ორგანიზაციებში თანამშრომლობა

 საქართველო და სლოვაკეთი აქტიურად თანამშრომლობენ საერთაშორისო ორგანიზაციების ფარგლებში, მათ შორის, ურთიერთმხარდაჭერის კუთხით.

2008 წლის შემდეგ, სლოვაკეთი რეგულარულად უჭერს მხარს გაერთიანებული ერების ორგანიზაციაში  „აფხაზეთიდან, საქართველო და ცხინვალის რეგიონიდან/სამხრეთ ოსეთი, საქართველო ლტოლვილთა და იძულებით გადაადგილებულ პირთა სტატუსის შესახებ“ რეზოლუციას, ხოლო 2019 წლიდან არის მისი თანა-სპონსორი.

აღსანიშნავია, რომ სლოვაკეთის ხელისუფლების უმაღლესი პირები სხვადასხვა საერთაშორისო  მაღალი ტრიბუნიდან ხშირად აკეთებენ საქართველოს მხარდამჭერ განცხადებებს.

ეკონომიკური ურთიერთობები

სავაჭრო ბრუნვა

2019 წელი - 12,8 მლნ. აშშ დოლარი

  • ექსპორტი - 0,89 მლნ. აშშ დოლარი;
  • იმპორტი - 10,52 მლნ. აშშ დოლარი;

2018 წელი - 17 მლნ. აშშ დოლარი;

  • ექსპორტი - 3,82 მლნ. აშშ დოლარი (გაიზარდა 25%-ით);
  • იმპორტი - 13,19 მლნ. აშშ დოლარი (შემცირდა 3%-ით).

2017 წელი – 16.6 მლნ. აშშ დოლარი (იკლო 31%-ით);

  • ექსპორტი - 3 მლნ. აშშ დოლარი (იკლო 64%-ით);
  • იმპორტი - 13.6 მლნ. აშშ დოლარი (იკლო 15%).

 ძირითადი საექსპორტო პროდუქცია: თხილი, ხილ-ბოსტნეულის კონსერვები, ხილის ჯემი,  მსუბუქი ავტომობილები, ღვინო, დაუმუშავებელი ალუმინი,  სამედიცინო ხელსაწყოები, სპირტიანი ალკოჰოლური სასმელები.  

ძირითადი საიმპორტო პროდუქცია: სამართებლები და მათი პირები, დანადგარები საკვები პროდუქტების წარმოებისთვის, მრიცხველები,  სანიტარულ-ჰიგიენური დანიშნულების ნაწარმი, დაუმუშავებელი ხე-ტყის მასალა, სანთებელები, ტრაქტორები, ცენტრალური გათბობის ქვაბები,  ხრახნები და ჭანჭიკები,  სამკურნალო საშუალებები.

 ინვესტიციები

სლოვაკეთიდან საქართველოში ინვესტიციები პირველად 2009 წელს განხორციელდა და 0.02 მლნ. აშშ დოლარი შეადგინა. 2018 წლის მონაცემებით, სლოვაკეთიდან საქართველოში 0,99 მლნ. აშშ დოლარის ინვესტიცია განხორციელა, რაც წინა წლის მაჩვენებელზე 6-ჯერ მეტია;

2019 წლის მონაცემებით, სლოვაკეთიდან საქართველოში 1,52  მლნ. აშშ დოლარის ინვესტიცია განხორციელდა. აღსანიშნავია შპს „ჯინო ველნეს გრუპ“-ის საინვესტიციო საქმიანობა საქართველოში. კომპანიის ერთ-ერთ პროექტს წარმოადგენს  სასტუმრო “ჯინო ველნეს მცხეთა“, აკვაპარკი თბილისის ზღვაზე. კომპანიას ასევე აქვს მიმდინარე პროექტი ბაკურიანში, სადაც დასასვენებელ-გამაჯანსაღებელი ცენტრის ასაშენებლად 4.2 მილიონი ლარის ინვესტიციას განახორციელებს. ასევე დაიწყო მეგა პროექტის „ეკო გრინ სითის“ განხორციელება თბილისის ზღვის ტერიტორიაზე.  პროექტის საინვესტიციო მოცულობა  700 მილიონი ევროს შეადგენს და მისი რეალიზება თბილისის მერიასთან შეთანხმებით მოხდება.


ტურისტული ვიზიტები სლოვაკეთიდან:

  • 2019 წელი -  6 689 ;
  • 2018 წელი - 6 039;
  • 2017 წელი - 3936.

2018 წლის 16-23 ივნისს, საქართველოს ტურიზმის ეროვნულმა ადმინისტრაციამ უმასპინძლა პრეს-ტურს სლოვაკეთის წამყვანი ტელევიზიის, რადიოსა და ბეჭდური მედიის წარმომადგენლებისათვის (10 სტუმარი).

2018 წლის 26 მარტიდან, ქართულმა ავიაკომპანიამ „ჯორჯიან ეარვეის“ დაიწყო პირდაპირი ფრენების განხორციელება თბილისი-ბრატისლავას მიმართულებით (მიმდინარე ეტაპზე, ფრენები შეჩერებულია).

 ბიზნეს-ფორუმები

  • 2019 წლის 14 ივნისს, ბრატისლავაში „ევროკავშირი-საქართველოს ბიზნეს საბჭო­სა“ და სლოვაკეთის რესპუბლიკაში საქართველოს საელჩოს ორგანიზებით,გაიმართა რეგიონული ბიზნეს-ფორუმი “Doing Business in Georgia”. ბიზნეს-ფორუმში მონაწილეობდა საბანკო, სატრანსპორტო, ლოჯისტიკის, მშენებლობის,ენერგეტიკის, ტურიზმის, სოფლის მეურნეობის და სხვა სექტორებში მომუშავე სლოვაკური, ავსტრიული, პოლონური, ჩეხური და ქართული კომპანიების 80-ზემეტი წარმომადგენელი.
  • 2018 წლის 26 მაისს, თბილისში გამართულ „კრინიცას ეკონომიკურ წარმოდგენილი იყო 23 სლოვაკური კომპანია. ეკონომიკური ფორუმის გახსნით პანელში მონაწილეობა მიიღო სლოვაკეთის პრეზიდენტმა ანდრეი კისკამ.
  • 2016 წლის 30 მაისს, სლოვაკეთის პრეზიდენტის საქართველოში ვიზიტის ფარგლებში გაიმართა ქართულ-სლოვაკური ბიზნეს-ფორუმი. სლოვაკეთის ბიზნესდელეგაცია წარმოდგენილი იყო ოცამდე კომპანიით. ფორუმის ფარგლებში, საქართველოს ეროვნულ საინვესტიციო სააგენტოსა და სლოვაკეთის განვითარების სააგენტოს შორის გაფორმდა მემორანდუმი. ამავე ვიზიტის ფარგლებში, 1 ივნისს გაიმართა მეორე ბიზნეს-ფორუმი. ფორუმის ფარგლებში, შპს „Mardi Holding“-სა (საქართველო) და შპს „Farm Trade“-ს (სლოვაკეთი) შორის გაფორმდა სამწლიანი მემორანდუმი, რომლის მიზანია ტექნოლოგიების ინტელექტუალურიქსელების განვითარება და განხორციელება ენერგო სექტორში.
  • 2015 წლის 19 ივნისს, საქართველოს პრეზიდენტის ბრატისლავაში ვიზიტის ფარგლებში, გაიმართა ბიზნეს-ფორუმი, რომლის დროსაც, საქართველოს მეწარმეობის განვითარების სააგენტოს და სლოვაკეთის ბიზნესის ასოციაციას შორის ურთიერთგაგების მემორანდუმი გაფორმდა

თანამშრომლობა სავაჭრო-სამრეწველო პალატებს შორის

სლოვაკეთის რესპუბლიკის სავაჭრო სამრეწველო პალატასა და საქართველოს სავაჭრო სამრეწველო პალატას შორის 1996 წელს გაფორმდა შეთანხმება ურთიერთთანამშრომლობის შესახებ.

პარლამენტთაშორისი ურთიერთობები

ორივე ქვეყნის საკანონმდებლო ორგანოში ფუნქციონირებს მეგობრობის ჯგუფები: საქართველოს პარლამენტში სლოვაკეთის პარლამენტთან მეგობრობის ჯგუფი 20 წევრისაგან შედგება და მას პარლამენტის თავმჯდომარის მოადგილე კახაბერ კუჭავა ხელმძვანელობს. სლოვაკეთის ახლადარჩეულ პარლამენტში მეგობრობის ჯგუფი ჩამოყალი­ბების პროცესშია.

თანამშრომლობა თავდაცვის სფეროში

2014 წელს, გაფორმდა ორ ქვეყანას შორის თავდაცვის სფეროში თანამშრომლობის შესახებ ურთიერთგაგების მემორანდუმი, რომელიც ითვალისწინებს სამხედრო წვრთნების, განათლების და სამხედრო-ტექნიკურ სფეროებში თანამშრომლობას. ქართველი სამხედრო ოფიცრები სისტემატიურად მონაწილეობენ სლოვაკეთის მხარის მიერ შემოთავაზებულ კურსებში.

განვითარების სფეროში დახმარების პროგრამა

განვითარების დახმარების პროგრამის („SlovakAid“) ფარგლებში სლოვაკეთის მთავრობის საქართველოსადმი დახმარება მიზნად ისახავს რეფორმების პროცესის ხელშეწყობას, ასევე სლოვაკეთის გამოცდილების გაზიარებას ქვეყნის ტრანსფორმაციისა და ევროინტეგრაციის პროცესში. 2019 წლიდან, „საპროექტო ქვეყნის“ (project country) სტატუსის ნაცვლად, საქართველოს მიენიჭა .. „საპროგრამო ქვეყნის“ (programme country) სტატუსი, რითაც ამაღლდა მისი პრიორიტეტულობა სლოვაკეთის განვითარების დახმარების საშუალოვადიან (2019-2023) სტრატეგიაში.

განხორციელებულ პროექტებს შორის აღსანიშნავია წყლის სექტორის ეფექტური მართვა, ჭიათურის სასმელი წყლის დაბინძურების მონიტორინგიწყლის რესურსებზე გვალვის ზეგავლენის თაობაზე ცოდნის გაუმჯობესება, ამბროლაურის უსადენო ინტერნეტით დაფარვა, სამოქალაქო ვალდებულებებზე ახალგაზრდობის ცოდნის ამაღლება, აჭარაში კლიმატის საკითხებზე ინფორმაციის გაცვლის პლატფორმის ჩამოყალიბება, საქართველოს მაღალმთიან რეგიონებში ტურიზმის პოტენციალის გამოყენების ხელშეწყობა.

2020 წლის 30 მაისს სლოვაკეთის საგარეო და ევროპულ საქმეთა სამინისტრომ საქართველოში კორონა ვირუსის წინააღმდეგ ბრძოლის ფარგლებში 5 პროექტის დასაფინანსებლად 44 000 ევრო გამოყო; 

2019 წლის 11 თებერვალს, ეუთო- თავმჯდომარის რანგში საგარეო და ევროპულ საქმეთა მინისტრის მიროსლავ ლაიჩაკის საქართველოში ვიზიტის დროს„SlovakAid“-ის ფარგლებში, ზუგდიდის ონკოლოგიურ დაავადებათა დიაგნოსტიკის სკრინინგ-ცენტრს გამოეყო 39 000 ევრო სამედიცინო აღჭურვილობის შესაძენად.

2015 წელს საქართველოში მომხდარი წყალდიდობის შედეგების შემსუბუქების მიზნით, სლოვაკეთმა საქართველოს გამოუყო 15 000 ევრო.

ვიშეგრადის ჯგუფი

სლოვაკეთის რესპუბლიკა აქტიურადაა ჩართული „ვიშეგრადის ოთხეულის“ ფორმატში, რომლის ერთ-ერთ პრიორიტეტს წარმოადგენს აღმოსავლეთ პარტნიორობის ქვეყნები და მათი დახმარება.

ვიშეგრადის საერთაშორისო ფონდი, რომელიც ვიშეგრადის ჯგუფის თანამშრომლობის ფარგლებში მოქმედ ერთადერთ ინსტიტუციონალიზებულ ორგანიზაციას წარმოადგენს, აქტიურად აფინანსებს სხვადასხვა პროექტებს საქართველოს არასამთავრობო ორგანიზაციების მონაწილეობით, ასევე, გამოყოფს სასწავლო გრანტებს და სტიპენდიებს.

განათლების და მეცნიერების სფეროში თანამშრომლობა

საქართველოს და სლოვაკეთის უმაღლეს საგანმანათლებლო დაწესებულებებს შორის ხორციელდება თანამშრომლობა გაფორმებული მემორანდუმების ფარგლებში. საქართველოს უმაღლესი საგანმანათლებლო დაწესებულებები აქტიურად თანამშრომლობენ სლოვაკურ უნივერსიტეტებთან სტუდენტურიგაცვლითი პროგრამებისა და Erasmus+ ერთობლივი პროექტების ფარგლებში. თანამშრომლობა მიმდინარეობს შემდეგ უნივერსიტეტებს შორის:

  • ივანე ჯავახიშვილის სახელობის თბილისის სახელმწიფო უნივერსიტეტი - სლოვაკეთის ბრატისლავას კომენიუსის უნივერსიტეტი და პავოლ იოზეფ საფარიკის უნივერსიტეტი;
  • ბათუმის შოთა რუსთაველის სახელმწიფო უნივერსიტეტი - მიხეილ ბალუდანსკისაკადემიური საზოგადოება“; ბრატისლავას პან-ევროპული უნივერსიტეტი; ქალაქ ნიტრას სოფლის მეურნეობის უნივერსიტეტი;
  • საქართველოს ტექნიკური უნივერსიტეტი - ქალაქ ნიტრას სოფლის მეურნეობის უნივერსიტეტი.

2020 წლიდანჭიდრო თანამშრომლობა ჩამოყალიბდა შოთა რუსთაველის საქართველოს ეროვნულ სამეცნიერო ფონდსა და სლოვაკეთის მეცნიერებათა აკადემიას შორის

2016 წელს, შეიქმნა საგანმანათლებლო-სამეცნიერო თანამშრომლობის საერთაშორისო კონსორციუმი (International Consortium of Educational-Scientific Cooperation), რომელშიც წარმოდგენილი არიან ბათუმის შოთა რუსთაველის სახელობის სახელმწიფო უნივერსიტეტი, ბათუმის ნავიგაციის სასწავლო უნივერსიტეტი და სლოვაკეთის, ჩეხეთის და უკრაინის უმაღლესი სასწავლო დაწესებულებები. კონსორციუმის მიზანია ინოვაციებისა და მიღწევების გაზიარება, განათლების ხარისხის ამაღლების პროცესში ურთიერთხელშეწყობა, სტუდენტთა და აკადემიური პერსონალის ურთიერთგაცვლა, ერთობლივი კონფერენციების ჩატარება და ა.შ.
2012 წლიდან, კომენიუსის უნივერსიტეტის მთავარ ბიბლიოთეკაში გახსნილია ქართული წიგნის კუთხე, სადაც წარმოდგენილია ათობით ქართველი ავტორის წიგნები. 

ყოველწლიურად, სლოვაკეთის რესპუბლიკის მთავრობა, საქართველოს მოქალაქეებისთვის სამაგისტრო და სადოქტორო პროგრამებზე გამოყოფს სტიპენდიებს.

რეგიონთაშორისი თანამშრომლობა

1968 წლიდან ამბროლაურის მუნიციპალიტეტი დაძმობილებულია ბრატისლავას რაჭის რაიონის მუნიციპალიტეტთან. მიმდინარეობს მოლაპარაკებები ქ. რუსთავისა და ქ. ბანსკა-ბისტიცას შორის თანამშრომლობის შესახებ მემორანდუმის გასაფორმებლად.

ხშირია ორმხრივი ვიზიტები საქართველოსა და სლოვაკეთის მუნიციპალიტეტების წარმომადგენლებს შორის. კერძოდ:  

  • 2019 წლის 21 მარტს, აბაშის, ზუგდიდის, მარტვილის, მესტიის, სენაკის, ჩხოროწყუს, წალენჯიხის, ხობის მუნიციპალიტეტებისა და ქალაქ ფოთის მუნიციპალიტეტის ადმინისტრაციულ საზღვრებში სახელმწიფო რწმუნებულის ვიზიტი სლოვაკეთის ტრნავის თვითმმართველ რეგიონში. ვიზიტის ფარგლებში განსაკუთრებული ყურადღება დაეთმო ორ რეგიონს შორის მცირე და საშუალო ბიზნესის განვითარების კუთხით თანამშრომლობას;
  • 2019 წლის 15 და 16 აგვისტოს სლოვაკეთის რესპუბლიკას სამუშაო ვიზიტით ეწვია აჭარის ავტონომიური რესპუბლიკის მთავრობის დელეგაცია. შეხვედრები გაიმართა სლოვაკეთის რესპუბლიკის სავაჭრო და სამრეწველო პალატასთან ასევე, სლოვაკეთის ინვესტიციებისა და ვაჭრობის განვითარების სააგენტოსთან. ვიზიტის ფარგლებში გამართულ შეხვედრებზე განხილულ იყო მომავალი თანამშრომლობის პერსპექტივები, განსაკუთ­რებით აჭარის რეგიონში ტურიზმის ხელშეწყობის კუთხით, აჭარაში ინვესტიციების განხორციელების შესაძლებლობები და ა.შ.
  • 2019 წლის 13-15 ივნისს შედგა გურჯაანის დელეგაციის ვიზიტი პოვაჟსკა-ბისტრიცაში.
  • 2019 წლის აგვისტოში გაიმართა აჭარის ავტონომიური რესპუბლიკის მთავრობის თავმჯდომარის თორნიკე რიჟვაძის ოფიციალური ვიზიტი სლოვაკეთში.
  • 2018 წლის 6 ივნისს, სლოვაკეთის წარმომადგენლობითი დელეგაციის საქართველოში ვიზიტის ფარგლებში, გაფორმდა „ურთიერთთანამშრომლობის სურვილის შესახებ“ მემორანდუმი გურჯაანის მუნიციპალიტეტსა და პოვაჟსკა-ბისტრიცას შორის; ასევე, ურთიერთთანამშრომლობის შესახებ შეთანხმება წინანდალსა და სოფელ ბეშენოვას შორის.
  • 2016 წლის 25 ოქტომბერს, სლოვაკი ქალბატონის (ყოფილი პარლამენტარი) რენატა ზმაიკოვიჩოვას ფონდის ხელშეწყობით, ზუგდიდის მუნიციპალიტეტის სოფელ კოკში საზეიმოდ გაიხსნა „მშვიდობის საფეხბურთო მოედანი“. მოედანზე ჩატარდა სიმბოლური მატჩი სოფელ კოკისა და გალის რაიონის სოფლებში მცხოვრებ ახალგაზრდებს შორის.
  • 2016 წლის 30 მაისს, თბილისში, სლოვაკეთის პრეზიდენტის ვიზიტის ფარგლებში, გაიხსნა ბრატისლავის სახელობის სკვერი.

 

 


სასარგებლო ბმულები:

საქართველოს საელჩო სლოვაკეთში
სლოვაკეთის საგარეო საქმეთა სამინისტრო
სლოვაკეთის პრეზიდენტი
სლოვაკეთის პარლამენტი
სლოვაკეთის მინისტრთა კაბინეტი