ბანსკა ბისტრიცაში სლოვაკეთის ეროვნული აჯანყების საიუბილეო ღონისძიებებში მონაწილეობა
28-29 აგვისტოს, სლოვაკეთის ქალაქ ბანსკა ბისტრიცაში, სადაც 80 წლის წინ საფუძველი ჩაეყარა სლოვაკეთის უდიდეს სამხედრო აჯანყებას, სლოვაკეთის ეროვნული აჯანყების საიუბილეო წლისთავისადმი მიძღვნილი საზეიმო ღონისძიებები გაიმართა.
სლოვაკეთის სახელისუფლებო, ასევე სლოვაკეთში აკრედიტებული დიპლომატიური მისიების წარმომადგენლებსა და უშუალოდ აჯანყების მონაწილეებთან ერთად, საქართველოს საქმეთა დროებითმა რწმუნებულმა ეკატერინე დუგლაძემ პატივი მიაგო გმირთა ხსოვნას, რომლებიც წინააღმდეგობას უწევდნენ ნაცისტური რეჟიმის ჩაგვრას და გვირგვინით შეამკო ეროვნული აჯანყების მსხვერპლთა მემორიალი.
