ორმხრივი ურთიერთობები

ურთიერთობები საქართველოსა და სლოვაკეთის რესპუბლიკას შორის

საქართველოსა და სლოვაკეთის რესპუბლიკას შორის დიპლომატიური ურთიერთობები დამყარდა 1993 წლის 1 იანვარს.

2006 წელს სლოვაკეთის რესპუბლიკაში გაიხსნა საქართველოს საელჩო.

2014 წელს საქართველოში გაიხსნა სლოვაკეთის საელჩო.

თანამშრომლობის ძირითადი სფეროები

საქართველოსა და სლოვაკეთს შორის თანამშრომლობა დინამიურად ვითარდება როგორც ორმხრივ ფორმატში, ასევე საერთაშორისო ორგანიზაციების ფარგლებში.

ორ ქვეყანას შორის არსებული სამართლებრივი ბაზა მოიცავს არაერთ ხელშეკრულებას, ასევე, უწყებათაშორის შეთანხმებებს, რომელთა მეშვეობით რეგულირდება თანამშრომლობა ეკონომიკის, კულტურის, თავდაცვის და სხვა სფეროებში.

საქართველოსა და სლოვაკეთის საკანონმდებლო ორგანოებში ფუნქციონირებს პარლამენტთაშორისი მეგობრობის ჯგუფები.

სლოვაკეთი აქტიურ დახმარებას უწევს საქართველოს განვითარების პროგრამის („Slovak Aid“) ფარგლებში, რომელიც მიზნად ისახავს რეფორმების ხელშეწყობას და სლოვაკეთის გამოცდილების გაზიარებას ჩვენი ქვეყნის განვითარებისა და ევროინტეგრაციის პროცესში.

თანამშრომლობა ხორციელდება ორი ქვეყნის უმაღლეს საგანმანათლებლო დაწესებულებებს შორის, როგორც ორმხრივი მემორანდუმების, ისე ერთობლივი საერთაშორისო პროექტების ფარგლებში.

2012 წლიდან კომენიუსის უნივერსიტეტის მთავარ ბიბლიოთეკაში გახსნილია ქართული წიგნის კუთხე, სადაც წარმოდგენილია ათობით ქართველი ავტორის ნაშრომი.

2020-2021 წლებში სლოვაკეთმა ასევე მნიშვნელოვანი პრაქტიკული დახმარება აღმოუჩინა საქართველოს პანდემიასთან ბრძოლის კუთხით.

ვითარდება რეგიონთაშორისი თანამშრომლობა ორ ქვეყანას შორის. 1968 წლიდან, ამბროლაურის მუნიციპალიტეტი დაძმობილებულია ქალაქ ბრატისლავას რაჭის რაიონის მუნიციპალიტეტთან.

ბმულები

საქართველოს საელჩო სლოვაკეთში
სლოვაკეთის საგარეო საქმეთა სამინისტრო
სლოვაკეთის პრეზიდენტი
სლოვაკეთის პარლამენტი
სლოვაკეთის მინისტრთა კაბინეტი